... штїмь всака власть и слава прѣдана соуть, красно и дльжно ѥ его домове любити, сьставлιати ... же паче сїи божьствнїи храмь иже вьзлюбише ? дѣдь кралѥвства ми и родитель кралѥвьства ми Стефань, ѥмоу же Сїонь, втори Їероусалимь дань бьїсть ѡть Бога, ιако нѣсть Богь паче тебе ѥдиного, тьчию си дивьнь вь светыхь своихь Богь їсраилевь, ιако же рече царь и пророкь: Что вьздамь Господеви за вса ιаже вьздасть мнѣ?, аште не прїнесоу светомоу домоу сиемоу, егоже дѣдь и родитель кралѥвьства ми посѣтише благыми милостинιами; нь обаче еже видѣхь прѣдание и научение светыхь царь и краль нашихь, болше вьзлюбїи кралѥвьство ми красотоу дома твоего прѣчистаа Богородице и мѣсто вьселение славы твое, чюдотворице глаголема вь Трѣскавци, и елико бы доволно, достоание извѣстно приложи кралѥвьство ми и што соуть прѣжде дали царие и кралѥве и кто любо, все исписавь и оутврьдивь нарекосмо. И прьвое црьквь оу Прилѣпѣ Продромь сь всѣми правинами. Панигириште, почьнь оть дола еврѣиска, свѣне дворишта Арсенева, до двора Петралѣтова и до оурвишта Светьѥ Варвары. Виноградь Синахерїтовь; млинь Хотѣцевь; виноградь кастрофилаковь подь Стѣнкь; виноградь коупень ѡть Неча. Метохь Светыи Димитрїе у Прилѣпѣ с нивиемь, сь виногради, сь млини и сь всѣми правинами. Село Доупиιачани подь монастїремь с виногради, с нивиемь, с млини, сь всѣми правинами; и овомоу селоу мегѥ: прѣслопь, селиште Костѣнче, дроуьмомь у Бѣлево ѡть костенїчке уз рѣкоу до црьквна млина, до мегѥ доушничке поутемь ѡбьемлюште Сороунь сь селиштемь Арбанаси до Малоради, та на Даубьницоу, опираюште у кирь Василево, подь Шоутоуль. Коупеница што коупи игоумнь Калинїкь: храсть подь Доупыачани, начьнь ѡть поути подь Радимановоу водѣницоу, поутемь подь Горкь до кїрь Василеве мегѥ, и ѡтьтоудѣ слазеште на поуть доушьнички кои греде у Мраморане, поутемь оуз брьдо Глигоровцемь до водѣнице Радиманове, где и почело. Нива .о.мь кьбломь коупена оть кіри Геѡрги; селишта на рѣцѣ. Нива кьбломь .р. коупена ѡть Моуртинѣхь синовь ѡть Леа и ѡть Опта мегιа ѡть коуманскога поути до долнега дроума. Нива на Бѣлевѣ .к. мь кьбломь ѡть кїрь Василева сына: поуть кои греде ѡть Доушьникь прѣко на рѣкоу до Цоура. Селиште Дрѣновци сь всѣми правинами и с планиномь. Коупеница половина ѡдь Доушьникь и црьква. Село Небреѣгово сь всѣми правинами; мегιа ѡть Царева кладенца на Радоушти поутемь присадьскимь, слазеште на Крьвавоу Водоу, ѡвьесмлюште Лоукавицоу, дроумомь на Стражишта, слазеште на Мраморь и ѡколо всего Роуѥна та на Долноу Клисоуроу Хоморанскоу, ѡбьшьдь все правине хоморарнске и светоу Варвароу, узлазеште на Боутоу Врьхь по хрїдоу до Простице и долоу на рѣкоу у Согле, ѡбьемлюште Согле до мокранске мегѥ, и ѡколо всоу Карпась до Орахова Дола, та горѣ на Братоньскоу планиноу, ѡбьемлюште вьсь Црьноушь, и долоу на Мечию Стѣноу и подь Боутинь на Мрамор та на Скрькоу, на Царевь Стоудьнць, ѡть где и почело. Село Еленѣшци што приложи кралевьство ми, и оу нимь баштина Моуртина и Гѡргичева и кїрь Василева сь всѣми правинами, и нива Кремастица сь водѣничиштемь, а томоу селоу мегѥ: ѡть дрѣновьскога синора на Синахеритово, на изворь кладеньць, на Колевць, та ... лозиа, ѡбьемлюште Димитрїнь Доль, и на врьхь, та на Гомоль, поутемь ... ало, та на хрідь у Бѣлоутце, та у рѣкоу. У Богомили в Бабоунѣ стась Сидрофаевоу с нивиемь, с виногради, с водѣничиемь, и с ѡвоштиемь и сь всомь правїномь. Село Бѣла Црькба с нивиемь, с виногради, с водѣничиемь, с коупеницами и задоушниномь, и сь всѣми правинами; нива Роунзерица ї Ексефилинїница и Топила. Селиште Глбочани с нивиемь, сь ливадами, з брьдомь, сь всѣми правинами. Село Светыи Димитрїие сь нивиѥмь, с ь виноградиѥмь, з брьдомь, сь всѣми правинами. Стась у Кривогаштанехь коупеница Аргиропоулова. Тоуждере дроуга стась што даде Мамнь за доушоу. Ї еште третиа Ѳеѡфилова стас, все тези с нивиемь, з градиномь, с ливадами и сь всѣми правинами. Села што приложи кралїевьство ми: село Ѡбрьшани с нивиемь, с виногради, с млини, с ливадами, сь всѣми правинами. Село Боучинь с нивиемь, с виногради, с водѣничиемь и з доломь и сь рѣкьомь и сь брьдомь, сь всѣми правинами. Селиште Комарчане сь всѣми правинами. Селиште поль Доубнице с нивиемь, с виногради, с водѣничиемь на Радушти сь всѣми правинами. Селиште Костино с нивиемь, с млини, с ливадами и сь всѣми правинами. Село Маргарить с винограади, с нивиемь, с млини, з бр`домь и сь всѣми правинами. Метохь у Порѣчи Манастирць с нивиемьь с виноградими и ѡвоштиемь и сь селиштемь Птичемь и с роудомь и с планинномь и сь всѣми правинами. Тоужде селиште Могилица сь всѣми правинами. Селиште Калоугѥрьць сь всѣми правинами. Село Вльчие, а томоу селоу мегїе: где се стае Вльчевска Рѣка с Любовштицомь, та по хрїдоу на поуть вльчевски, греде на Моужиць, тьжде поуть до Малихь Корить, ѡколо всѣхь Малихь Корить и горѣ на Мысловрьхь, и низь брьдо на Пеклишта по хрїдоу к Заградоу, и долоу где се стае Влчевштица и Любовштица, где ѥ и почело. Метохь у Полозѣ Крпено и црьквь Светыи Никола с нивиемь, с виногради, с водѣничиемь и сь брьдомь. И на Валицѣ нива Никифоровець: ѡть Царева Кладенца до ѡбѣю потоку и до царева дроума кои иде ѡть Полатиць на Великоу. Тоуждере ливада у Царева Кладенца што лю ... Ловиште у Прѣспѣ Накольць с рибари, с рѣкомь, с нивиемь, з градиномь, овоштїемь, с ловишти; имена рыбаремь Сопрьсть з братиѡмь и с родомь моу и рыбарь Амартоль и Добре, што придаше царие. Метохь у Ѡхрїдѣ Прокаѳимены и црквь Іѡань Ѳеологь с нивиемь, с винограади, с ловиштемь и сь млини, сь врьтомь и сь всѣми правинами. Метохь у Хлеринѣ вь Чрьтописѣ с` нивами с` виногради, с людми, с водѣничиемь, з брьдомь, с рѣкомь. Нива оу Баню кьбломь .ле.; нива прѣз рѣкоу кьбломь .к.; нива у Сладкомь Поли кьбломь .ле.; Нива у Лоужанехь поредь кьбломь .л.; нива поредь граада кьбломь .в.; нива друга кьбломь .вї.; нива у Гоумништехь кьбломь к.; нива поредь Блата кьбломь .з.; голѣма нива кьбломь .з.; нива у Сранога Трьна кьбломь .ѕ., нива близь Падиата подь селомь кьбломь .ѳ.; нива поредь тези ѡтьзгора кьбломь .д.; нива у Могылици кьбломь .к.; нива у ΙАчеву кьбломь .р. Ѡть поутѣ влашкога гредоуште у Кладороубы и оу Клбасницоу землιа кьбломь .сн. и ливада; стась у Хлахолинѣ и водѣница. И еште у Хлеринѣ у амбори црьквь светїи Нїколае, што приложи Влахо епискоупь с нивиемь, с винограады, с млиномь, с периволемь, с рѣкомь, сь всѣми правинами. Водѣница у Неволιанех. Метохь у Калиницѣ Мати Божиа сь нивиемь, с ливадами, с млиномь и с рѣкомь, сь всѣми правинами. Водѣница у Крагоуицехь коупеница ѡть Коприве Нїколе. Нивие вь Армѣнохори, што даше царие, кьбломь .р., до путѣ кои греде у Армѣнохорь до мегѥ мотичничке и до мегѥ Калиникове и до рѣке. Стась у Реснѣ Комисарина кьблом .р. Селиште Могылѣни близь Роусець, сь нивиѥмь, сь ливадами, сь топили. Село Жоурче, Цклеревь и Мадаракевь дѣль, сь нивиѥмь, сь виногради, сь млини, зь брьдомь, сь всомь правиномь, и половиноу оть Дльге Вси, што даде кіра Ерини Комнини, жена голѣмога папие. Село Хоморани и црьквь Светыи Аѳанасїе с воденицѡмь и градинѡмь и с пеливоромь ! и сь всѣми правинами, с Небрѣговомь. Селиште Бѣла Водица с нивиемы с млини, с пашишти, з брьдомь, сь всомь правиномь. И еште у градоу Прилѣпѣ дворь с коукиѥмь и житницомы коупеница ѡть Еҙефилина. Дворишта при Неманї Монахичево и Гребенарево. Двориште у Бредивѣнехь близь Вреҙима до рѣчишта и до поути. Водѣница на Радоушти коупена оть Ламбинице. Дроугы млинь над Калевице. Нива подь амбориѡмь при црькби Бодовѣ. Нива подь Пилевѣмь дворомь кьбломь .д . мь; тако и с Ковачевђмь двориштемь близь Андроника Арсенѣ; такожде прѣзь Доль Еврѣискы кьблом единомоу близь Арсенѣ. Нива у Винцехь Голомова кьбломы .сд. мь близь протоневелисима Кондолеа и при Горгоусѣ. Нива Коуртесева у Винцехь кьбломь .лѕ. близь попа Маврике и Бара и Стефа. Нива по срѣдѣ Коучковьань у Винцехь; нива Плисварева и Кондрова кьбломь .п. до поути коучковианскога идоуште оу кира Марїо ! и до рѣчишта Еврѣискога и поути обрьшанскога. Нива выше Хороупанѣ до старога поути галичкога и до Нерозгора и до поути храштанскога кьбломь .л. Надь нею кьбломь .ѕ. при Нѣгыгоу; и до того поутѣ нива на селишти кьбломь .д. плисиасть Нѣгыга и Спандоунь и мали поуть и до Глизѣа. Нива голѣмога стратопедарха кьбломь .н. до меге хороупанске и до поути кривогашскога. Нива кьбломь .ме. тоужде плисиась Грьлιа и Стари Кладеньць и до поути кривогашскога и Старога Потока мегѥ Бѣлкове. Нива Бѣлкова и Радослава и Хитреша кьбломь .м., плисиасть Спаньдоунь и Хитрешь и до селишта Полатиць. Нива Хїтрешева подножїе тоужде кьбломь .ке. Нива подь Полатиць кьбломь .л. плисиасть Спандоунь и храштански поуть до Стана Влькана. Нива на Блатци кьбломь .л. плисиасть Спандоун и Дѣдославь. Нива Ракелева кьбломь .ві. плисиасть Пожрипита до поутѣ печенѣшка што иде у Ѡбрышаны. Нива Ѳеѡдора Главата на гы ! храштанскои мегї кьбломь .лѕ. до камнѣ Жеравь и до Нѣгыгоу. Мѣсто у Галичанехь коупеница Панаретова кьбломь .р. плисиасть севасть Печкопоуль и Стрѣзо Мадаракь. Нива коупена ѡть Мїсинополита у царевѣ зевгелатїи кьбломь .ри. Нива Ѳеѡдохова у Еленѣшцехь кьбломь .р. Нива у Врьбе кьбломь .зі., а мегιа рѣка Глигоревска и Костанска. И еште у Глигоревцехь нивие кьбломь .ҙ. И коупеница у Малихь Мраморанехь ѡть Давида кьбломь .р. И стась у Бохоринѣ Чемерева сь двориштемь, с людми, и землιа .д. мь зевгаремь, и водѣници .в., с винограды, с периволемь, с ливадоу. Стась Драгова с нивиемь, с виногради, с млины, с ливадами, сь всѣми правинами. И оу градоу виноградь Беривоевь Хоусаревць за гробь, и дроугы у Бредивыанехь. Нива на Бѣлевѣ коупеница ѡть кїр Василιа; меге ѡть поути Воукова Дола у Еленѣшце и до Мрамора, и оуз рѣкоу до црьквне водѣнице, и пакь до поути. Село Коучковыане с нивиемь, сь винограды, с млины, сь всомь правиномь.Травнина што ѥ по всѣхь метохиιахь, жировнина, все то даѥть кралѥвьство ми црькви. И пріложи кралѥвьство ми прѣсветѣи Богородици Трѣскавскои оть трьга прілѣпскога да оузимать третї дѣль виноу светаа црькви вь помень кралѥвьства ми. И зговори се кралѥвьство ми сь кралицомь, и посласмо прѣвьзлюбленааго сына кралѥвьства нашего Оуроша кралιа да се поклони прѣчистои Богородици, и сь нашимь зговоромь и тои приложи црькви да оузимать чьстныи монастїрь всако годиште оть трьга прїлѣпскога по .р. перперь освѣнь прьвнега дара выше писание. И освободи кралѥвьство ми села и метохие все светые Богородице оть позоба и писа, и приселице, оть псара и геракара, и провода и поноса, оть поклисара и оть поданка всакога. И всака глоба што се оучини оу црьквнихь людеи, доушеоубіиство и распоусть, и дѣвичь разбои, и роука, и послоухь, и прѣстои, все да ѥ црьквно. И што оулазї у коулоу прилѣпскоу, жито, вино, благо, та и всака пишта, ѡть сега даде кралѥвьство ми светои црькви оу Трѣскавць. И панигирь на Дмїтровь дань да имать ιако и прѣжде. Сиιа вса избравь достоаниιа ветха и нова, и даде кралѥвьство ми сїи златопечатнї хрїсовуль вь всакоу свободоу ктому рекше ѡть всѣхь работь и поданкь кралѥвьства ми велїхь и малихь. И молю егоже Богь изволить по мнѣ кралѥвьствовати, сиемоу писанию златопечатномоу СЛОВУ кралѥвьства ми непотвореноу быти нь паче тврьду и непоколѣбимоу. Аште ли кто наваждениемь вражимь узметь что ѡть светые Богородице единие чрьти сиего златопечатнаго СЛОВА кралѥвства ми да ѥсть проклеть ѡть Господа Бога вседрьжителιа и ѡть прѣчистие его матере Богородице Трѣскавьскеи ѡть кралевства ми да нѣсть благословень. Сего ради дарова се сии златопечатни хрїсовоуль на оутврьждение светѣи црькви и вь чистоу свободоу. Хрьсь прѣроучи.

[Text provided by Mrs. Dr. Marija Vasiljević (2016)]