+ Азь, рабь Христоу Влькь вьспоминаю вь сьвѣдениѥ всемь, како приде брат ми Герасимь посланиѥмь монастирьскимь Светиѥ Гори Аѳѡна, Светиѥ Богородице Хиландарьскиѥ игоумнѡмь и всега сьбора хиландарьскога, и просише ми келию оу Скопию, понѥже не имахоу прибѣжишта ни келиѥ оу Скопию. И видевь нихь оусрьдиѥ и прошениѥ, и дах монастирь Светаго Геѡрьгиιа с метохѡмь и сь сели и сь всеми правинами где се находи метохь Светаго Геѡрьгиιа или оу градоу или на двороу што ѥсть Светаго Геѡрьгиιа, все приложихь Хиландароу. И такози приложихь, и ѡсвободихь да несть над нимь ни кефалиѥ градьскога, ни коульскога, ни владальца, просто рекше ниѥднога, ни поклисара, тькмо да си Хиландарь метеха и влада како и иними метохиιами своими. И такози оучинисмо: што се находи с лета оу Светаго Геѡрьгиιа жито, винѡ, сирениѥ, доходѣкь всаки, да ѥсть половина коуки Светаго Геѡрьгиιа, а половина да се ѡдьноси оу Хиландарь. И молю всакога кога Богь изволи по мне бити, сиѥм и моѥм и приложению непотвореноу бити. Кто ли дрьзне потворити и сиѥ разорить, и ѡднеть Светаго Геѡрьгиιа ѡд Хиландара, или потворити сиѥ више оуписаноѥ, таковаго да разорить Господь Богь и да моу ѥсть мьстница прѣчистаιа мати Божиιа и свети великѡмоученикь Геѡрьгиѥ и да се причте Июде и Арии и тѣмь иже рекоше: крьвь его на нась и на чедехь нашихь. И да ѥсть проклеть ѡть .тиିିι. светихь ѡтьць никеискихь и ѡд сьбора хиландарьскога. Аминь. И сиѥ записа вь лѣто .ѕିѡпିе. + АЗЬ РАБЬ ХРИСТУ ВЛЬКЬ