+ По неизрѣченному милосьрдию и чловѣколюбию владыки моѥго Ісуса Христа и по изволению и милостивному ѥгѡ призрѣнию ѥже на господствѣ |2| ми, ιакоже и на прочихь прѣжде бившιихь светиихь и православнιихь гѡсподьь, такожде и на господствѣ ми благодѣть Прѣсветагѡ своѥго Духа |3| показа, ιакоже излиιа на светиѥ своѥ ученики и апостоли, рекь имь: „Идѣте вь всу вьселенную и проповѣдите славу моѥгѡ Божьства“. |4| Тѣмже и азь, рабь Христу Богу и вь Христа благовѣрни господинь Костадинь, вьсегда имѣѥ раждежениѥ и любовь срьдьчну кь светиимь и божьствь|5|нимь црьквамь и поревновахь прѣжде нась бившихь светихь господь и царьь.
И вь то врѣме прιиде кь мнѣ прѣѡсвештенни митро|6|полить, игумень чьстниѥ и царскиѥ ѡбитѣли хиландарьскиѥ кѵрь Сава и сь чьстними иноки и успоменуше ми за црьквь |7| лѣсновьску Светагѡ архааггела, како ѥ и ѡд прѣжде била хиландарьска и паки врѣменѡмь како ѥ ѡдьступила. И како ѥ и деспотица |8| Ѡливера деспота на сьмрьти рекла и сь сынѡма своима Краикѡмь и Русиномь да ѥ паки таи црьквь Хиландару.
Тѣмже и азь, |9| вь Христа Бога благѡвѣрни господинь Костадинь, ιакоже ѡбрѣтохь ѥре бѣше и прѣжде даль Ѡливерь деспоть црьквь вишеписа|10|нну Хиландару и се хрисовули господина ми светагѡ цара Стефана и ιа благѡвѣрни господинь Костадинь сьвѣштав се сь сьвѣтомь и з`го|11|воромь госпождею и материю ми царицею кѵра Євдокиѥю и благоизволи господство ми и принесохь вь дарь тебѣ сиѥ моѥ |12| приношениѥ Прѣчистои владычици и госпожди Матери Божиѥи чюдотворици хиландарьскои црьквь Светагѡ архаггела лѣсновьскога |13| сь сели и сь заселци и сь планинами и сь мегιами и сь всѣми правинами црькве теи, ιакоже пишеть и вь хрисовуле |14| господина ми светаго цара Стефана. А се имена селѡмь: прьвоѥ село Лѣсновѡ и сь заселкомь Луковѡмь; село Баково и сь црьковию |15| Светаго Николи и сь заселкѡмь Глобицѡмь; село Добрѣѥво и сь всѣми правинами села того; село Дрѣвѣно и сь заселкомь |16| Пештнѡмь; село Близьньско; село Гребень; селиште Бунашь и конь нѥга селиште Габрово и селиште Муж`ковѡ |17| и селиште Настрои, где су Власи сѣдѣли; и у Дрѣнове Долѣ црьквь Светаго Прокопиιа сь намѣстиѥмь и сь всою баштиною црькве те; |18| село Морѡзвиздь и сь заселци Рѡкѥв`ци и Грьдовци и сь всѣми мегιами и правинами села того. И ѡд трьга злѣтовь|19|скога да узима Архаггель лѣсновьски на всако гѡдиште .Рି. перьперь, ιакоже пишеть у хрисовули царскомь. И у Пиιанцу |20| црьквь Свети Никола сь селѡмь и сь виноградѡмь и сь водѣницами и сь лугѡмь. И ѡште у Пиιанци на Брѣгалници |21| црьквь Богородица сь селѡмь и сь намѣстиѥмь црькве теи. Село Калопетровци сь мегιами и сь правинами села тогѡ. |22| И у граду Штипу црьквь Светаго Николи и попь Сифиѥва сь всѡмь баштиномь и сь землѡмь и сь нивиѥмь и сь вино|23|гради и сь всѣмь ѡдтесѡмь црькве теи. И што ѥ водѣница Краимирова и у граду .Кି. кукь сь баштинами и сь чь|24|бри и сь поданци царскими.
И сиιа вса ιаже приложи и дарова гѡсподство ми Прѣчистои Матери Божиѥи хиландарьскои, |25| приложихь всесрьдьчно, а не лицемѣрьствѡмь нѣкимь, и уписахь сь всакимь утврьждениѥмь нераздрушимо бити, ни раза|26|раѥму ѡд нѣкихь лукавихь наваждениѥмь диаволимь, ιаже писанна бише вь хрисовули семь села, намѣстиа, баштине |27| и ѡттеси и млини, планине и пашишта и зимовишта и доходькь трьжни. И сиιа вса вишеуписан`на ѡсвободи господс|28|тво ми ѡд всѣхь работь и поданькь великихь и малихь, ѡд приселице, ѡд наметькь, ѡд града и провода и ѡд глобе и ѡд тра|29|внине и ѡд поноса господьскога и ѡд сокιа и десетка житнога и виннога и всакогѡ десетка живагѡ и воиске и ѡраниιа |30| и копаниιа, просто рекше ѡд всѣхь работь велихь и малихь. И да не ѡблада ними ни кефалиιа, ни кнезь, ни севасть, никто |31| ѡд владуштихь гѡсподства ми, тькмо црьквь хиландарьска.
И молю ѥгоже Богь изволи по мнѣ гѡсподьствовати, сиѥ мною |32| записанноѥ непотворенну бити, нь паче потврьжденну бити. Кто ли се наге такови ухиштрениѥмь диавольскимь, |33| или по нагѡвору злихь чловѣкь и инако прѣложи, или что ѡдниме ѡд вишеписаннихь ιаже зде уписаше се, таковаго да разорить |34| Господь Богь и прѣчиста Мати Божиιа хиландарьска и вь мѣсто помошти и заступлениιа да му ѥсть супьрникь архаггель Михаиль |35| и да га порази сила чьстнаагѡ и животворештагѡ крьста Христова и да ѥсть проклеть ѡт .ТИିІ. светихь ѡтьцьь иже вь Никеи и ѡд .ВିІ. |36| светихь апостоль и ѡд .Дି.-хь еѵаггелисть и да ѥсть причт[е]нь Иудѣ прѣдателю Христову и тѣмь рекшимь: „Крьвь ѥго на нась и на чедехь |37| нашихь“ . И клетву да има светагѡ Сѵмеѡна и светителιа Сави. ВЬ ЛѢТО .҂ЅିѠିПӨି.
|38| + ВЬ ХРИСТА БОГА БЛАГѠВѢРНИ ГОСПОДИНЬ КѠСТАДИНЬ +
|39| + Повелѣниѥмь господина Костадина писа се си хрисѡвуль у граду Струмици мѣсеца аѵгуста .ЕିІ. дьнь. А т[о]му милостникь воѥвода Дмитрь.

[Text provided by the project Diplomatarium Serbicum Digitale (2018); http://www.bisanu.rs/]