I ispisa se sija kniga, lětopisьcь, vь Svetěi Gōrě, vь ōbytěli svetyje i carьskyje i čьstnije lavry prěsvetije bogorodice Hilandara blagočьštivomu i hristoljubivomu gospodinu Radovanu, ponježe vьshotě iměti siju knigu vь domu svojemь, i naslaždati se pročitanijem ōt njeje minuvšïih drevnïih car ōt Adama daže do potopa, i ōt potopa do Hrista, po Hristě blagočьstivyih carь i svetyih i duhovnosnïih mužïi daaže do carьstva Konstantina Irïnina syna. I togda igumьnьstvujuštu vь tomžde monastyri Hïlandari mitropolitu carьskago grada sěra kyr Savě, i pri njem ispisa se povelěnijem i potьštanijemь jaže ō njei ljubve radi gospodina Radovana čьstnomu starcu kyr Ïōasafu rukama mnogogrěšnih i směrennyhь taha monahь Rōmana i Vasïlïa. Těmže molim vsěh ōtcь že i gospodïi naših, pročitajuštïhь siju knigu, ašte i něčeso nedostatьčno smotritь zde, svoimь blagodarnïim razumōm da ne zazritь našemu nerazumiju, ponježe elika naidosmo u izvodu pisasmo, a ne priložismo ničesože, a mogïi vyše vьměstiti da vьměstitь, pomenuvь ōno glagoljušeje: drugь drugu tegoti nosite, i tako skončajete zakonь Isusь Hristovь, da i vy i vsako mьzdu prïimete ōt dajuštago molitvy moleštïim se i blvešta lěta pravednïih, aminь. Vь lěto ѕ.ō.ϙ.d., endiktïōna.