Хвалу Господню возглаголют оуста моѧ. и всѧка плоть имѧ светое егѡ во вѣкъ и во вѣки вѣкам. Красно еже жити в` дому Господню во всѧ дни живота своегѡ. и Мѡѵсеѡви повелѣ Господь Богъ. сотворити скѵнїю. и в ней службы совершати. Аште они ветхозаконый людїе. тако соверштили. Колми паче мы христїане црькѡвь любити. в нейже сподобихѡм сѧ вѣром и крьштенїем. Ходатайством пречистыѧ Дѣвы Богородицы. Тѣмже и мы много восхвалити подобаетъ. Рцем ъ духѡмъ: Радуй сѧ пресветаѧ Владычице Богородице. Херувїмы бо и Серафїмы. ιакоже пророцы духѡмъ божественнымъ глаголютъ: На раму херувїмску ιако на прѣстѡлѣ сѣдѧшта Бога. Пречистаѧ и пренепорочнаѧ Богородица. Не на раму поноси Господа нашега Іисоуса Христа. Или из` далеча оузрѣ. Но во чревѣ своемъ и на руку, и на лонѣ. поносла есть. И кто оубо дерзнетъ таковую высоту и глубину измѣрити хвалами. Аште ли би кто ѡт любве понудил сѧ прострети слово, на похваленїе чудесъ Божїихъ. иже пречистою Богородицею на земли показа. И нѣсть ѡ томъ слово нынѣшнее мою писанїю. Но кратко воспоминаю ѡ божественнѣи вѣрѣ. Оученїе и проповѣданїе намъ в` сїемъ хрїсовулѣ. Но рвенїю божьственнѡ ѡ црькви Божїей. ιаже есть мати всѣмъ намъ ιакоже вышнїй Їерусалимъ. егоже Паѵелъ апостолъ сказуетъ сподобив сѧ видѣти егѡ. Сїе оубо разумѣвше и познавше, ѡт прореченїѧ пророкъ и проповѣданїѧ светыхъ Апостолъ. Мнози царїе и велможи, богатїи же и даже до ништихъ, имѧ Господа Бога люблѧштихъ. издаша и тїи противу силѣ, и богатству и усердїѧ црькви соборныѧ, и монастирѣхъ по различныхъ мѣстахъ, идѣже имѧ Господа нашего Іисоуса Христа славит сѧ. Во воспоминанїе светыхъ пророкъ, и апостолъ, и моученикъ, и прѣподобныхъ. Наипаче же преславнѣи и честнѣиѣи во имѧ пречистые Владычицы нашеѧ Богородицы. о нѣй же есть зачало и конецъ. всѣмъ светымъ, и вѣрѣ христїанстѣй ιаже есть заступленїе. и покровителница всѣмъ вѣрнымъ еюже и мы призываюште ѡбрѣтаемъ помошть, во времѧ напасти, не токмѡ здѣ во временѣмъ семъ вѣцѣ, но и въ будуштемъ ѡбрѣсти покровъ и избавленїе ѡт мукъ на страшнѣмъ судишти Христовѣ надѣем сѧ.
Сиιа оубо тако о сихь, азь же Стефань краль вьсеѥ срьбьскыѥ и поморьскыѥ землѥ изволениѥмь и помоштию вьседрьжителιа Господа Бога и прѣчистоую ѥго матере и молитвами светыхь моихь прѣродитель Сѵмеона и Савоу прѣѥмь грады Довольны, надь ними же Грьци обладахоу, прѣѥхь же и градь глаголѥмыи Прилѣпь, идеже ѥсть монастырь прѣсветыѥ Богородице, ιаже глаголѥмоѥ мѣсто Трѣскавьць, не толико зданнѥмь и оукрашениѥмь вьнѣшьнимь оустроѥнь ѥлико ѥсть закономь и уставомь светиыхь ѡтьць живоуштихь вь немь прѣоукрашень и прѣпрославьнь. Аште бо кьто похвалить житиѥ инокомь живоуштимь вь Синаисцѣи горѣ или вь горѣ светѣи Аѳоньсцѣи, да похвалить же и сихь житиѥ и оуставь не хоуждьше. Сего ради сицевоѥ видѣвь и слышавь кралѥвьство ми любовию божьствьною испльнь се, изволихь семоу монастирю дати хрисовоуль свои по образоу древниихь цареи грьчьскыихь и бльгарьскыихь, иже прѣжде мене обладали соуть тѣми странами, на оутврьждениѥ и похвалениѥ Христоу Богоу нашемоу и прѣчистѣи матери ѥго, ιаже славить се вь монастыри глаголѥмѣмь Трѣскавьци. А се катастихь о метохехь црьковныхь, о нивьѥхь и о виноградѣхь, о задоушьнихь и о коупеницахь. Село Бѣла Црьква сь водѣничьѥмь што ѥ при црькви и дроуго водѣничьѥ оу Обрьшанехь двѣ оцѣ, и дроуго водѣничьѥ што ѥ заѥдно сь Роуньзеремь. И прими кралѥвьство ми село Трьновьци сь водѣничьѥмь и сь нивьѥмь и сь ливадами и сь вьсею областию и правинами сель тѣхь, и сь виногради и сь нивиѥмь што соу дали властеле за доушоу. Метохь Свети Димитрие сь людми и сь винограды и сь нивиѥмь што ѥ задоушница црькви; има си отесь тьзи метохь. Метохь оу Прилѣпѣ светии Ѳеодори, сь людьми, и сь виногради и сь нивиѥмь задоушнимь и коупеницами, и виноградь што ѥ даль Беривои вь Хоусаревьцихь за два кьбла. Има си оттесь тьзи метохь одь Баровоу Црьквоу, та на светоу Петкоу, та на светаго Геѡргїа та на Анаковальноу, та по хрїдоу и ѡпирать се у Трѣскавьць како походи поуть ись Трѣскавьца оу тоу же црьквь Баровоу. Вь Галичанехь коупеница оть Панарета кьбломь .р., коупеница оть Мисинополита оу царевѣ зевьгелатии кьбломь .р. Селиште Жоурьче, одь него половина, и одь нивиιа и одь полιа половина, и одь брьда. Метохь оу Порѣчи Манастириць, сь людми и сь винограды и сь нивиѥмь и сь коупеницами, и задоушнина што се находи. И Могилица заѥдно сь планиномь и сь нивиѥмь. Селиште поусто Питичь, сь нивиѥмь и сь горомь. Селиште поусто Калогерьць, што ѥ коупеница Пасарелова, сь нивиѥмь и сь Доубравомь и сь планиномь. Селиште Вльчьѥ што ѥ населиль светии краль, сь людми и сь нивиѥмь и сь планинами и сь всѣми правинами оу Бабоунѣ. Селиште поусто Хоморани, и дроуго тоугере селшите поусто Техово. Имають оттесь тази селишта оть царева кладеньца и на присадьскы поуть и на Чрьвеноу водоу и приѥмле и Лоупавицоу и слази оу Мрамора и вьсходи на врьхь Роуѥиовь и приѥмле вьсь Роуѥнь и сьходи оу дольню клисоуроу хомораньскоу, и приѥмле вьсоу правиноу хоморанскоу до светоу Варвароу, и приѥмле вьсу правиноу теховьскоу до меге мокренскоу и вьсходи на Карьпасоу и приѥмлѥть планиноу Братоньскоу вьсоу и ѡбладоуѥть Чрьноушь и слази на Мечью стѣноу и обладоуѥ Боутинь и ѡпирать се вь Мраморь и ѡбладоуѥ Небрѣгово и ѡбиходи Скрькоу и опирать се па оу царевь стоуденьць. Метохь оу Хлеринѣ Чрьтопись сь людми, и сь нивиѥмь, и сь винограды и сь воденичиѥмь и сь коупеницами и задоушьниномь. Село Доупиιачанѥ, сь людьми, и сь нивиѥмь, и сь винограды, и сь коупеницами оть кѵрь-Димитра и кѵрь Їсаака и оть кѵрь-Василѣ, меглигоревское нивие, кьбломь .р., коупеница оть кѵрь Їсаака кьбломь .о., нива оу Бохорине, стась Евьгенева, стась дроуга Чемерева. Оу Прѣспѣ двѣ ловишти, оу Бижданехь половиноу водѣнице, оу Бабоунѣ стась и водѣница и периволь и виноградь. Оу Полозѣ метохь Крьпень сь водѣничьѥмь и сь виногради и сь нивиѥмь и сь планинами и сь вьсѣми правинами ѥго што приложи светопочившии краль за доушоу си. Селиште вь Гльбочанѣхь, сь нивиѥмь, и сь винограды, и сь планиномь, и сь всѣми правинами села того. Селиште поусто оу Могилѣнехь, што приложи протосевасть за доушоу си, сь нивиѥмь и сь ливадами. Село Еленѣжьцы, што приложи господинь краль за доушоу си, сь нивиѥмь и сь виногради и сь воденичиѥмь и сь планинами и сь ливадами и сь вьсею правиною, чиѥ либо се находи. Метохь Светии Димитріе оу Прилѣпѣ, што приложихоу Мисинополитова дѣтьца, сь нивиѥмь и сь виногради и сь водѣницами, и сь Коучьковѣне селиштемь, и сь панагиромь, и сь вьсею правиною того. Стась вь Кривогаштанехь, коупеница оть кѵрь-Леιа Арьгіропоула. Тоугере и дроуга стась што ѥ приложиль Маминь за доушоу си. Црьква ве Лишинѣ Светии Илиιа сь областию и сь вьсѣми правинами што прідаде Капиклеи за доушоу си. Стась Бѣлевьска зь горкоу, сь виногради, и сь нивиѥмь и сь воденичиѥмь и сь вьсею областию и правинами што ихь дрьжаль кѵрь-Василь. Стась оу Глигоровьцехь игоумна, брата Ѳеодорова вь Малихь Мраморанѣхь, коупеница одь кѵрь-Димитриιа Давидова, кьбломь .ѯ.-мь. Селиште поусто Лепьче, што приложи Просеникь сь ѡбластию и сь вьсѣми правинами. Црьква оу Хлерїнѣ светии Никола, што придаде влашьки пискоупь, сь людьми, и сь виногради, и сь нивиѥмь и сь водѣничиѥмь, с` планинами и с ливадами и сь вьсею областию и правинами. Тоугере метохь оу Калиницѣ, мати Божиιа, сь нивиѥмь и сь вьсеми правинами. Стась ... кьбломь .р. и водѣница коупена од Любинкоу и одь Ѳодора Згоура на Радоушти. И да не метеха пискоупь сь бьхь никако, тькмо помѣнь да имать, а веке ништо, а да ѥ подь областию архїпискоупа како и оу всѣхь хрисоволѣхь пише грьчьскыхь. Ѡпрѣмче зимовиште сь всѣми правинами. Селиште поусто Дрѣновьци, ѡдь него половиноу, и ѡдь полιа, и ѡдь планине, и ѡдь Арбанась – половиноу. Селиште дивьѥ Маргарить, сь областию, и сь правинами, и сь планиномь. Сиιа вьса видѣвь кралѥвство ми любовно божьствьною испльнивь се изволихь семоу монастирю дати хрїсовуль свои, приложивь села и оутврьдивь по ѡбразоу древниихь цареи грьчьскиихь, иже прѣжде мене ѡбладали соуть тѣми странами на оутврьждениѥ и похвалениѥ Христоу Богоу нашемоу и прѣчистѣи ѥго матери, ιаже славить се вь манастири глаголемѣмь Трѣскавьци. Кто ли се наиде таковимь и прѣстоупить сиιа вьса ιаже соуть вьписана и оутврьждена вь хрисовоулѣ семъ ѡтьложити или потворити что ѡт негѡ да моу ѥ мьстникь Господь Богь и пресветаа Богородица, са ѥсть проклеть ѡдь .тиї. светихь ѡтьць никеискыхь и ѡть .д. еѵаггелисть и ѡдь .вι. апостоль и ѡть всѣхь светыхь и ѡдь кралѥвьста ми, и да имать честь сь Июдою. Стефань краль вѣрны вь Христа Бога самодрьжавьць всее срьбские земле и поморьские Сии хрисовоуль написа се вь лѣто ҂ѕѡмд, индикто .г.

[Text provided by Mrs. Dr. Marija Vasiljević (2016)]