+ Господи Боже мои, великоѥ и неисповѣдимоѥ твоѥ милосрьдиѥ, иже ѥси подаль ɪавьствьно намь, твоимь |2| рабѡмь. Иже ѡт испрьва начьнши прѣдѣда нашего, господина прьвагѡ пастира и наставника стаду своѥму, вели|3|кагѡ Неманю, земли срьбьскои. И тогѡ же изволи насадити ɪако нѣкую лозу добруѡплодную(!) и ѡт тѡгѡ |4| ѡтрасли прѣкрасниѥ, ихьже расплодиль ѥси по вселен`нѣи, и твоѥю помоштию, всеблаги чловѣколюбиви Владикѡ, |5| все враги своѥ покорившу и добрѣ ѡтьчьство своѥ устроив`шу и сь миромь все дни живота своѥгѡ прѣшьдь, |6| и небеснихь благь сподобльшу сѥ(!), иже и бисть нови мироточьць земли срьбьскои. Ѥгоже молитвою и помоштию |7| сподобльшу се бити сьнаслѣднику того добримь дѣломь мнѣ, прьвому благовѣрному и Богомь поставленнѡому |8| ЦАРОУ Стефану, ѡбновльшому прьви царски вѣньць срьбьскои и поморьскои земли. И царствуюшту ми земле|9|ю грьчкою и всему Поморию и Западнимь странамь и всему Дису и веселешту ми се ѡ Бозѣ сь всѣми велевьзмо|10|жними под рукою моѥю и прьвѣ чьсти вьздаюшту ми светимь и божьствьнимь црьквамь, потомь же властелѡмь |11| и властеличикемь и инимь прочимь записѡвати ХРИСѠВУЛЄ и милости [и] СЛОВЄСА царска, ɪако ни|12|чему же врѣжден`ну бити.
По томужде ѡбразу царску и сиѥму таковому достовѣрному и многолюбимѡ|13|му и всесрьдьчному и брату царства ми севастократору Деɪану. И како успомѣну и говори царству ми ѡ своѥ|14|и црькви, кою ѥсть сьзидаль у своѥи баштинѣ у земли жеглиговьскои, а у мѣстѣ рекомѣмь Архилевица, |15| вь име црькьвь Прѣсветиѥ и всесвѣтлиѥ чюдѡтворице Матере Божиѥ вьведениѥ иже вь Светаɪа светихь, ѥи|16|же изволивьши тако бити храму ѥѥ. И поиска на царствѣ ми брать царства ми севастократѡрь Деɪань прилѡ|17|жити села своɪа баштин`на, коɪа му ѥсть записало царство ми, нему и ѥговѣмь дѣцамь у баштину. И за помилова|18|ниѥ царства ми Матере Божиѥ, иже вьздвигши ѡт ѡдра болѣзньнаго, изволихь принести дарь сии к тебѣ |19| Богоматери. Тѣмже и царство ми зговори се сь благочьстивою и христолюбивою прѣвисокою аѵгустиѥю, благовѣ|20|рною царицею кира Ѥленою, ЦАРИЦЄЮ царства ми, и сь богодарованнимь и прѣвьзлюбленнимь синомь наю, |21| кралѥмь Урѡшемь, и сь господиномь и ѡтьцемь нашимь, прѣѡсвештеннимь патриархомь Срьблемь и Грькомь |22| кирь Савомь и сь всѣми митрополити и ѥпископи и ѥгумени и с властели всѣми велими и малими |23| и сь всѣмь зборомь срьбьскиѥ и грьчкиѥ земле и поморьскиѥ и дарова и записа царство ми царство ми (!) сиизи все|24|свѣтли ХРИСѠВУЛЬ царства ми Матери Божиѥи ар`хилевьскои.
И за правовѣрно и всесрьдьчно поработаниѥ |25| царству ми брата царства ми севастократора Деɪана, всесрьдьчнимь желаниѥмь даруѥть и записуѥть царствѡ |26| ми Матери Божиѥи ар`хилевьско[и] метохию сию: село Подлѣшане с мегѣми и ѡдтеси и сь засельци и |27| сь всѣми правинами села тога; село Архилевица конь црькве с мегѣми и ѡдтеси и сь заселци и |28| сь всѣми правинами села тога; село Изворь с мегѣми и ѡтеси и с правинами села тога; селѡ |29| Ругинци с мегѣми и ѡтеси и с правинами села тога; селиште Мокра Полѣна; село Арбанаси сь вь|30|сѣми правинами; село Боиковци с правинами; село Другошевци с правинами; село Маисториѥ; |31| селиште Маисториѥ Крупници; селиште Прусци; селиште Врьдунь; селиште Прьвево; селиште Деи|32|ково; селиште Враче; селиште Седларь; селиште Мекша; село Глажнѣ с мегѣми и ѡдтеси и с пра|33|винами села тога. И за сиɪази села вса успѡмѣну брать царства ми севастократорь Деɪань, ɪако да си |34| утеше меге кудѣ су симзи селиштемь. И такози повелѣ царство ми да поге самь с вѣштими людьми и да уте|35|ше, и утесавши и принесе кь царству ми, и царство ми записа меге сиѥ симзи селомь всѣмь, понѥже су|36|ть у ѥдину утесь.

А во меге црькви Матери Божиѥи ар`хилевьскои: ѡт крьста путѥмь кои греде ѡд Подлешань |37| у Стльпчани, тере ѡд стльбичнога дѣла, тере нис потокь кои спада у Бѣловодички потокь, тере нис потѡкь |38| Бѣловодички, где исходи Дольна Клепала, тере прѣходи надь ɪазь Парцулеве водѣнице, тере на Добри |39| шорь до меге Ругикѣ, тере уз рѣку Стльпьчку уз доль вели десни, тере на Градинь дѣль у гору прѣко |40| више Матѣɪа у Чрьни врьхь, а ѡд Чрьнога врьха управь на Кобилу, ѡд Кобиле на Водичникь управь; |41| и ѡд Планинице путемь на Iабльчно, тере на кирь Тодоровь ѡдрь, тере по дѣлу на мраморь, тере на Алава|42|ндеву водѣницу, та на Просѣченикь, та на Такшину Свету Петку, тере прѣко на Прибислаѡвь крьсть, кои ѥсть на|43|дь Лагборовци, ѡд туда надь Халашаѥвце прѣко на дѣль стльбички. Село Мокра Полѣна, а меге ѡи |44| ѡд дуба велиѥга по дѣлу посрѣдь села на студенець, тере низ доль на Брехало, терь надь Горобнинце |45| на Велию главу, а ѡд Велиѥ главе по дѣлу путемь на Букурь и горѣ до распутиɪа, и ѡд распутиɪа до |46| дуба ѡпеть.
И ѡште приложи царство ми црькви Матере Божиѥ ар`хилевьске село Колицко |47| с мегѣми и ѡдтеси и сь заселци и сь всѣми правинами села тога. А во меге села Колицка: ѡд гумни|48|шта Чаикова прѣко посрѣдь прокопанньнога пута, тере посрѣдѣ Кɪачкова селишта на Сипану могилу, |49| на друмь Дробнихь крьстьць, тере ниже Бѣжана где ѥсть камень на камени, тере ус Поповь дольь(!) |50| на Малу ѡстрьвицу, тере на Велию ѡстрьвицу, тере низ брьдо на Бранкове жигове, тере ни|51|з доль до потока, тере нис потокь у пшиньски синорь, тере ус путь горѣ на плѣшь, на почивало, |52| та пакь на Чаиково на гумништа. И ѡште приложи царство ми Матери Божиѥи ар`хилевьскои у Вельбу|53|жди црькьвь Госпождино Поле [с] селомь, с рѣкомь, с мегѣми и ѡтеси и сь всѣми правинами што си има црькьвь |54| тази ѡд вѣка. Село Козница Кричановьска с мегѣми и ѡдтеси и сь всѣми правинами села тога, како |55| ѥсть ѡд прѣжде. Село Строиково сь всѣми правинами.
И сиɪази вса села и метохиѥ даруѥть и записуѥть |56| царство ми црькви архилевьскои Матере Божиѥ царскимь ѡбичнимь знамениѥмь СЛОВА царства ми, ɪако |57| да суть тврьда и непоколѣбима никымь до вѣка, развѣ да си дрьжи Мати Божɪа сɪа вса уписан`наɪа зде |58| до дни и до вѣка неѡтемлемо, дондеже ѥсть и та светаɪа и божьствьнаɪа црькви. И да нѣсть волень никто ѡдне|59|ти ни ѥдино ѡд сихь всѣхь, развѣ да си има и дрьжи вса сиɪа црькви та светаɪа и божьствьнаɪа до вѣка свободно |60| и читаво с милостию царства ми ѡд всѣхь работь и поданькь велихь и малихь царскихь и ѡд всѣхь владуштихь, |61| развѣ да си ѡблада сиѡмзи метохиѡмь црькьвь, а ини никто. И сиѥзи записуѥть царство ми вь утврьжени|62|ѥ вь вѣки.
Тѣмьже игожѥ(!) изволить Богь по мнѣ господствуюшта и сьдрьжешта прѣстоль царски, царства мо|63|ѥго сина, или ѡдь суродьства нашего, или кто любо, молю же и запрештаю, ɪако сиѥму СЛОВОУ царства ми |64| непотворенну би[ти], нь и ѥште болше и крѣпчѣѥ потврьждати. Ктѡ ли ѡд таковихь потьштить се разорити |65| сиѥ, или ѡднети што ѡд дому Матере Божиѥ архилевьске, таковаго да разорить Господь Богь и прѣчистаɪа |66| Мати Божиɪа и да га убиѥ и порази сила чьстнаго и животворештаго крьста и .дି. ѥвангелисти и .вɪି. |67| апостоль и .тиିɪ. светихь и богоноснихь ѡтьць и ѡд всѣхь светихь ѡд вѣка Богу угодившихь да ѥсть проклет вь си |68| вѣкь и вь придушти и сь Юудою да имать учестиѥ и ѡд царства ми да нѣсть благословлень, нь паче и про|69|клеть, аминь.
И сиѥ извѣстно и всенастоюштеѥ златопечатно СЛОВѠ царства ми записа |70| се и утврьди вь всакоѥ достоɪаниѥ и утврьждениѥ царско вь лѣто ҂.ƨି.ѡି.ѯି.вି. идниктиѡнь(!) .ɪ.ି
|71| + СТЕФАНЬ ВЬ ХРИСТА БОГА БЛАГОВѢРНИ ЦАРЬ СРБЛЕМЬ И ГРЬКѠМЬ +
|72| Повелениѥмь господина светаго цара, Гоико логоөеть наручи под Скопиѥмь мѣсеца аѵгуста .ɪ.ି дьнь. +

[Text provided by the project Diplomatarium Serbicum Digitale (2018); http://www.bisanu.rs/]